DONOSTIA

Bi taldeek sekulako ikuskizuna eskaini zuten, eta bertaratu ziren 1.500 zaleek gozatu ederra hartu ahal izan zuten. Portel oso serio kantxaratu zen, atzean presio handia eginez, eta euskaldunei jokatzen utzi gabe. Gainera, puntuak egiterakoan huts gutxi egiten zituzten, eta lehen laurdenean 29-21 aurreratu ziren.

Bigarren laurdenean ere gauzak ez ziren gehiegi aldatu, eta berriro ere etxekoak nagusi izan ziren, eta lehen zatian erabaki zen partida, bigarrenean euskaldunek izandako erreakzioak ez baitzuen garaipena lortzeko balio izan. Bigarren laurdena 26-20 amaitu zen, eta 55- 41 joan ziren atseden hartzera.

Bigarrenean indartsu hasi zen Denek Bat, eta puntu bakar batera jarri zen, 23-36 nagusitu baitziren hirugarren laurdenean. Azkeneko laurdenean, ordea, ezin izan zuen aldea gehitu. Hala, bada, 27-27 amaitu zen, eta garaipenak ihes egin zien urdinei.

Honako jokalari hauek jokatu zuten Denek Bat Urketakoan: Lalane, Penuisic (19), Doro, Falla (14), Cayon (20), Coco (10), Dillon (27), eta Trandia (12).