Presoen egoera salatu du Errepresaliatuen Nazioarteko Konferentziak
BERLIN
«Okupazioa, esplotazioa, guda eta errepresioaren kontrako nazioarteko konferentzia» izenarekin egin zuten joan den asteburuan, hilak 17 eta 18, Berlinen, munduko errepresaliatu politikoak elkartu dituen nazioarteko konferentzia. Euskal Herriko ordez- karitza ere presente izan zen, eta aipa konferentziak aho batez euskal preso politikoen aldeko ebazpen bat adostu zuen larunbateko saioan. Palestina, Kolonbia, Turkia, Kurdistan, Irlanda, Suitza, Alemania, Irak, Iran eta Euskal Herriko ordezkaritzak elkartu ziren igaro den asteburuan Berlinen egindako erre- presaliatu politikoen nazioarteko konferentzian, eta ehundik gora lagun entzule gisa. Herrialde bakoitzaren egungo errealitate politikoaz jabetzeko parada egon zen ostiralean eta larunbatean, eta errepresaliatuak izan ziren lehen pertsonan egoeraren berri ematen aritu zirenak. Euskal Herriko ordezkaritzak, Euskal Preso Politikoen Kolektiboaren historia azaltzeaz gain, azken asteotan jasandako ezbeharrak ere mintzagai izan zituen; hain justu, Igor Angulo eta Roberto Sainz presoen heriotzak. Nazioarteko elkartasunaren beharra nabarmendu zen ekimenaren amaieran, eta, Angulo eta Sainzen heriotza dela-eta, horixe praktikara eraman zuen Berlingo konferentziak.
Prozesu demokratikoa Izan ere, «Euskal Herriko azken gertaera larriak ikusita» adierazpen bateratua onartu zen aho batez. «Euskal preso politikoen egoera hain larria da non azken asteetan bi hil diren dispertsioa eta haren ondorioengatik», hasiera eman, eta segi- dan Angulo eta Sainz espresuki aipatzen ditu adierazpenak. Bi euskal presoen heriotzen ostean, Ertzaintzarenjarrera deitoratzearekin bat, «EAJ alderdiak bere Polizia zipaioa jendea jipoitzera» bidali zuela salatzen dute. Greba eta mobilizazio eguna ere aipatzen da, baita Grande-Marlaska epailearen azken zitazio eta espetxeratzeak salatu ere. Azkenik,Gobernu espainolari eta frantsesari zuzentzen zatzaizkie, Euskal Herrian berme demokratikoak izango dituen irtenbideen prozesua bultzatzearren.
|
