BAIONA

Lapurtarrek jaitsierako postuetatik irteteko modua egin zuten, eta gaur ezin dute hutsik egin azkeneko sailkatuaren zelaian. Ajaccioren aurka ez irabaztea berriro ere atzeraka egitea da. Sailkapeneko azkeneko postuan daude, eta mailari eusteko oraindik matematikoki aukeraren bat baldin badute ere, ia ezinezkoa dute, geratzen zaizkien partida guztiak irabazi, eta aurretik dituzten guztiek galdu egin beharko bailituzkete. Eta horrek ezinezkoa dirudi.

Beraz, gaur Avironek ezin du hutsik egin, eta garaipena lortuta beste urrats bat emango lukete aurrera. Gainera, hemendik eta Liga amaitu bitarte zuri-urdinek arerio zuzen askoren aurka izango dituzte norgehiagokak eta egutegia aldekoa dute. Gero, ordea, hori aprobetxatu egin behar da.

Asteartean Avironek ez zuen sekulako partida egin, baina Bolugneren aurkakoa dezente hobetu zuten, nahiz eta hori lortzea ere ez zen zaila. Zaleen artean ere itxaropena gehitu egin zen asteartean, partida horrek markatzen baitzuen etorkizuna. Hori galduta mailari eustea oso zaila iragartzen zen, eta irabazita, berriz, geroa argiago ikusten da.

Jokalariei dagokionean, Bidegain ez da arituko, asteartean txartel gorria ikusi zuelako. Hamaikakoa hauxe izan daiteke: Ruffier, Pardeilhan, Talmont, Laporte, Sergent, Chakir, Choplain, Lalague, Vaz, Ech Chergui eta Vareilles. Hau baieztatzen bada, Bouet, Lestage, Sartolou, Louit eta Sautie aulkian geratuko dira.

Genets