Gatazkaren irtenbidearen aldeko martxa Barañainen
·Ostiral honetarako Barañaingo Irrintziak deitu manifestazioa 19.00etan aterako da udal plazatik
IRUÑEA
Barañaingo Irrintzia plataformak gatazkaren konponbidearen aldeko manifestaziora deitu du ostiral honetarako «Kon- ponbide garaia da. Es tiempo de soluciones» lelopean, eta 19.00etan aterako da udal plazatik. Plataformako kideek bertan parte hartzeko deia luzatu zuten.«Bidearen une oso zailean gaude, eta beharrezkoa da irtenbideak bilatu ahal izateko denok lanean hastea; euskal herritar guztien eskubideen errespetuan oinarritutako irtenbideak, hain zuzen», nabarmendu zuten duela bi aste martxara deitzeko egin zuten agerraldian. Bertan, apirilaren 22ko gauean UPNko bozeramaile Jose Antonio Mendiveren denda kiskali zuen sutearen ondorioz kaltetutako auzokideei elkartasuna erakutsi zieten plataformako kideek. Barañainen gatazkaren hainbat errealitate bizi direla ohartarazi zuten kideek eta, besteren artean, Karmele Solaguren auzokidea preso dagoen bere semea bisitatzera zihoala hil zela ekarri zuten gogora.
|
