Urrats gehiago ematen hasteko ManiFESTAzioa gaur Donostian
DONOSTIA
Milaka izango dira gaur Bai Eskolak Euskalduntzeari! ekimenari erantzunez Donostiako kaleetan ibiliko direnak. 17.30ean abiatuko da maniFESTAzioa Bulebarretik, eta Konstituzio plazan amaituko da. Ekitaldiak sinadura bilketaren amaiera badakar ere, «urrats gehiago egiten hasteko abiapuntua» ere badela adierazi dute. Nabarmendu dute, gainera, aurreko hilabeteetan bezala, gaur ere tokian tokiko aldarrikapenek lekua izango dutela. Ugari izan dira ekimenari beren sostengua eman dioten erakunde eta elkarteak: Batasuna, Aralar, AB, ANV, Askatasuna, Segi, BF, Lurra, Ekologistak Martxan, Berri-Otxoak, Udalbiltza eta abar. Azken horretako lehendakari Loren Arkotxak, gainera, Donostian izango dela iragarri du. «Eskaera soziala ezagutzeko unea» dela nabarmendu du Arkotxak.
|
