Xiberoko botzak «Etxez etxe» kanpaina hasi du aurten
MAULE
Urtero legez, irratiak bizirik irautea ziurtatzen duen «Etxez etxe» kanpaina hasi du Xiberoko botzak aurten ere. Uztailaren 20a arte dirua biltzen arituko diren kanpainaren sustatzaileak herriz herri eta etxez etxe abiatuko dira.
Kanpaina garaian, egunero jokoak antolatuko dituzte irratiko animatzaileek hamabi eta erdiak arte. Joko horietan parte hartzen dutenen artean sari anitz izanen dira irabazteko; DVDak, diskoak eta pastoralerako sarrerak besteren artean.
Lehen hitzordua ostiral honetan izanen da, gaueko bederatzietan, Mauleko Zinka ostatuan. Bertan, Hiru Punttuk “Escualdunac” antzezlana eginen du.
Urtero legez, zozketa bat ere eginen dute diruz lagundu duten pertsona guztien artean, eta sari nagusia Iratin sei pertsonarentzako asteburu bat izanen da.
|
