- Pala - Emanbilbo T.
Fusto-Gaubeka, aurrelarien arteko lehia gaur Deportivon
BILBO
Fusto eta Gaubeka elkarren aurka neurtuko dira berriro Emanbilbo pala torneoko final-laurdenetako norgehiagokan (Deportivo, 17.00etan, bigarren partida). Bi aurrelariak gaur egungo Zortzi eta Erdiko eta Buruz Buruko txapeldunak dira, hurrenez hurren, eta, beraz, bi pilotari handiren arteko neurketa ikusteko aukera izango dute Alameda Rekaldeko pilotalekura joaten direnek. Haien ondoan, goi-mailako bi atzelari arituko dira: Larrinaga, Pabloren kide 2005eko Binakako Txapelketa irabazi zutenean, eta Aierbe, ekainean joko bikaina erakusten ari dena.
|
