 |
|
|
|
|
- San Miguel Liga (TKE) -
Lehen txandari probetxua atera eta Urdaibaik lehen garaipena lortu du
·Bou Bizkaiak estropada bikaina egin zuen, eta Hondarribia liderra bigarren izan zen
 |
DONOSTIA
Azkenean bai. San Miguel Ligako zortzigarren estropada puntuagarrira arte zain egon behar izan du, baina azkenean Urdaibaik bere maila erakusteko aukera izan du, baita denboraldiko aurreneko garaipena eskuratzeko ere, Pasaia Portuko Banderan. Horretaz gain, atzo lortutako hamabi puntuek sailkapen nagusian bederatzigarren postutik zazpigarrenera jauzi egiteko balio izan die. Hondarribia bigarren izan zen, etasailkapenean Castrorekiko duen aldea beste bi puntutan gehitu du. Lehen txandan aritu behar izan zen Urdaibai. Berez zerbait polita egiteko aukera zuen atzo talde bizkaitarrak, erlojuaren aurkako proba izanik, ez baitzuen beste inorekin parez pare lehiatu beharrik izan eta halakoetan talde indartsuak ondo moldatzen baitira, baina garaipena lortzeko aukerarik izango zuenik inor gutxik uste zuen estropada hasi aurretik. Patxi Bilbaok zuzentzen duen taldea lehen txandako azkena izan zen irteten, eta bere aurretik lanean hasitako Pasai Donibaneren, Laredoren eta Zumaiaren denborak hobetzea lortu zuen. Lehen maniobran hiru segundotan hobetu zuen Bou Bizkaiak Telmo Deun-ek egindako denbora. Ordura arte Zumaiarrena zen denborarik onena. Hortik aurrera, ordea, bizkaitarrek erosoago jardun zuten arraunean, presiorik gabe, eta luzetik luzera aldeak handitzen joan ziren. Bigarren ziaboga egin ostean hamar segundokoa zen Zumaiarekiko zuen aldea. Hurrengo luze bietan Urdaibaik hegan egin zuen, eta azkenean helmugako balizan bigarren izandako Zumaiari ia 27 segundo kendu zizkion. Asier Aregok gidatutako Bou Bizkaiak denbora oso ona egin zuen, eta argi zegoen hurrengo txandetako ontziek lan bikaina egin behar izango zutela marka hori hobetzeko. Hiru ordu laurden inguruko sufrimendua izan zen, baina bermeotarrek pozik ospatu zuten garaipena.
Bigarren txanda, eskasena Ondoren arraunean egin behar izan zutenMecosek, Arkotek, Cabo da Cruzek eta Zarautzek izan zuten jardunaldiko baldintzarik eskasenak. Haizea nabarmen indartu zen lehen txandan 11 kilometro orduko haizea izan zen, eta bigarrenean 14 kilometro ordukoa eta, era berean, itsasoaren egoera ere kaskartu egin zen.Cabo da Cruz izan zen txanda horretako azkarrena. Zarautzek markatu zituen erreferentziarik onenak ia proba guztian zehar, baina azken luzean galiziarrak hobeto moldatu ziren. Enbatak, hala ere, lan txukuna egin zuen. Arkote eta Mecos izan ziren hirugarren eta laugarren, hurrenez hurren. Plentziarrek ez dute astebururik onena izan.
Hondarribia, ohorezkoan
Ohorezko txandako ontziak falta ziren oraindik. Haizea ahuldu egin zen 12 kilometro orduko, eta Urdaibairen denbora hobetzeko aukera egon zitekeela pentsatu zuen batek baino gehiagok. Laster ikusi zen, ordea, halakorik ez zela gertatuko, lehen ziabogan txandako denbora onena egindako Castrok Urdaibaik baino 11 segundo gehiago behar izan zituelako puntu horretan.Hondarribiak pixkanaka-pixkanaka gora egin zuen, eta
txandako azkarrena izan zen azkenean, Pedreñaren, Castroren eta Orioren
aurretik, irabazleengandik 10
segundora.
Patxi Bilbao: «Gure aukerak ondo aprobetxatu ditugu»
DONOSTIA
Urdaibaiko prestatzaileak gorriak ikusi ditu orain
arte. Arkotetik iritsita, entrenatzaile bermeotarrak maila handiko arraunlariak
fitxatu ditu Bou Bizkaiaren proiektu berri horretarako, baina gauzak ez dira
nahi bezala atera. Atzo, ordea, talde bizkaitarraren egoera erabat aldatu zen,
eta hori dela-eta, gustura zen Patxi Bilbao.
«Gustura nago, zeren azken finean, askotan entrenatzen
ditugun gauzak gero ez dira behar bezala irteten estropadan, eta gaur, agian
erlojuaren aurkako proba izan delako-edo, kontzentratuta joan gara eta ondo
irten dira gauzak», azaldu zuen.
«Atzoko estropadaren ostean apur bat buru-makur geunden,
baina talde indartsu batek aurreko egunean emaitza txar bat lortuta ere gero
ehuneko ehunean prest dagoela erakutsi behar du, eta gaur mutilek hori egin
dute. Gure aukerak aprobetxatu ditugu, eta gero haize pixka bat altxatu da.
Orain arte izan ez dugun zortea izan dugu gaur», adierazi zuen.
«Bigarren txandan haize gehiago egon da, baina azkenengoan
ez da hainbesteko alderik egon. Laugarren luzean, esate baterako, errekaren
korrontea aurka izan dugu, marea beherantz joan delako, baina azkenengo
txandakoek ez dute horrelako korronterik eduki, eta azken luze horretan segundo
bat ere ez digute kendu, eta horrek esan nahi du kristoren estropada egin
dugula», gaineratu zuen.
|
|
|
|
|
|
|  |
|
|
|
|
|
