- Sokatira (Euskal Herrikoa)
Goiherri A izan da 560 kiloko talderik onena
·Aresok lan ona egin zuen azken jardunaldian, eta bigarren izan zen
DONOSTIA
Goiherri A taldeak ez zuen barkatu, eta 560 kiloko txapela bereganatu zuen. Hala ere, azkeneko jaardunaldian Aresorekin berdinduta amaitu zuen, eta emaitza horri esker, nafarrek amaitu dute bigarren postuan.Azkeneko jardunaldia Areson jokatu zuten, eta jendeak erantzun ona eman zuen. Goiherrik esku-eskura zeukan txapela, eta azkenean berarekin amaitu ahal izan zuen. Azkeneko jardunaldi horretan, Aresok eta Goiherrik gainerako talde guztiei irabazi zien, baina beraien artean berdinduta amaitu zuten. Lehia ikaragarria izan zuten tiraldietan, eta bakoitzak bana irabazita konformatu beharra izan zuen. Gaztedi A taldeak Aresoren aurretik geratu beharra zeu-kan amaieran, gutxienez, bigarren postuan izateko, baina helburu hori ez zuen bete, eta azkenean hirugarren geratu zen, bai jardunaldian, eta bai sailkapen nagusian ere. Bizkaitarrek Aresorekin eta Goiherrirekin galdu egin zuten, eta Goiherri B eta Gaztedi B menderatu zituzten. Azken posturako ere borroka iragartzen zen Goiherri B eta Gaztedi B taldeen artean, baina Goiherri B-k irabazi zuen, eta azken-bigarren amaitu ahal izan zuten. Lur Gaineko denboraldian, Goiherrik eraman ditu 560 eta 600 kiloko txapelak, eta Nuarbek, berriz, 640 eta 680koak.
|
