IRUÑEA
Apirilean oraindik Iruñean zeuden ikur frankistak kentzeko eskaera ofiziala egin zuen Udalean Iruñea Berria plataformaabertzaleak Nafarroako Ikurren Legeak hala agintzen duela gogoratuz.
Orain, berriz, hiru hilabete pasatu direla eta Udalak ez duelaerantzun salatu du talde abertzaleak. «Iruñean legez eta moralez kanpo oraindik dauden ikur frankistak mantentzearen aldeko jarrera garbia hartu du UPNk, gerra zibilean eta ondorengo erregimen totalitarioan lorturiko onurei eusteko», gaineratu zuen.
Egoera hori dela-eta, Iruñea Berriak Udalaren jarrera salatuko du Arartekoaren aurrean eta helegite bat aurkeztuko du Nafarroako Administrazio Epaitegian.
«UPNren jarrera ikusita, beharrezkotzat jotzen dugu 2007tik aurrera Iruñeko Udalean aldaketapolitikoa bultzatzea», nabarmendu zuen prentsa adierazpenean Iruñea Be- rriak, eta gaineratu zuen 1995 eta 1999 artean CDN-PSN-NEB hirukoak ere ez zituela Iruñetik ikur frankistak ezabatu. «Hildakoen Monumentua erortzear zegoenean diru publikoarekin konpondu zuten, Mola eta Sanjurjoren hilobiak, gainera, erabilera erlijiosorako mantenduz», salatu zuen plataforma abertzaleak.
