Enpresa misto bat sortuko dute Renfek eta CAFek
·Actren izango du izena eta tren modelo berrien mantentze lanean arituko da
GASTEIZ
Integria Renfe enpresako eraikuntza eta mantentzeko konpainiak eta CAF tren egileak Actren sortu dute, trenen mantentzean lan egiteko. Integriak elkarte berri horren %49 izango du, eta Beasaingo taldeak gainerako %51. Hasieran, Actrenek Madril-Bartzelona bidea egiten duten hamabi Alvia tren berrietako mantentze lanak egingo du, Madrilgo Santa Catalinako tailerretan.
Geroago, aktibitatea zabaltzea espero du egitasmo berriekin, besteak beste, Civia hurbileko trenak eta abiadura handiko eta errodadura lerrakorrekoak. Halaber, duela gutxi erositako trenen mantentze lanak egin nahi ditu. Actreneko Administrazio Kontseiluaren postuak erdibanatuko dituzte Renfek eta CAFek. Renfek azaldu zuenez, bere asmoa tren egile bakoitzaren enpresa misto bat sortzea da, modu horretan Renfek berak eskatu dituen tren berrien mantentzean bere parte hartzea ziurtatzeko. Renferen arabera, elkarlan eredu hori oinarrizkoa izango da Integria berritzeko eta inguru lehiakorrean bere etorkizuna bermatzeko.
|
