- Berezkoak (Baionako Masterra)
Sorhuetek eta Etxetok bigarren ezustea eman dute
·Apustuzaleek bigarren egunean ere huts egin dute
SORHUET - ETXETO 40
IDIART -
EZKURRA II 26
BAIONA
Bigarren finalerdian ere ezustea izan zen Baionako Masterrean. Dirua Idiart eta Ezkurra II.aren alde atera zen. Haiek dira Binakako txapeldunak, eta horrek faborito izatera bultzatu zituen. Zaleek, ordea, bigarrengoan ere kale egin dute, eta Sorhuetek eta Etxetok lortu zuten, eta merezimendu osoarekin, gainera, finala jokatzeko txartela.Panpi Idiartek eta Paxkal Ezkurrak partidari hasiera bikaina eman zioten, eta 1-5 aurreratu ziren markagailuan. Zazpigarren kintzera bitarte aitzinetik aritu ziren, baina hortik aurrera, Sorhuet eta Etxeto erabat nagusitu ziren. Larunbatean jokatu zuten final-laurdenetako joko bera egin zuten, eta argi erakutsi zuten finala irabazteko ere faborito izan daitezkeela, nahiz eta aurrean Waltari izan. Etxetok erabat menperatu zuen Ezkurra gaztea. Urruñako atzelaria bere mailatik oso aparte aritu zen, eta aurrean Sorhuetek nahi zuena egiteko parada ukan zuen. Panpi Idiartek ere ez zuen bere egunik onena izan, nahiz eta ezer asko egiteko paradarik ez zuen ukan. Finala igandean jokatuko da, 11.00etatik aurrera. Sorhuet eta Etxeto Waltari eta Martinez de Irujoren aurka neurtuko dira. Waltariren lehen eguneko erakustaldiaren ostean, denak amerikarrak zer egingo duen zain daude, baina finalean gauzak askoz ere zailago izango ditu bai berak bai Irujok.
|
