Kutxazain bat guztiz erre dute Barakaldon
Kale borroka ekintzak izan ziren atzo Oreretan eta Barakaldon. Lehenengoan, hainbat edukiontzi erre zituzten errepi- dean gurutzatu ostean. Ostiralean ere bide mozketa izan zen Lekeition. Bizkaiko herrian, berriz, kutxazain bat guztiz erre zuten barrura hainbat molotov koktel botata.
BILBO
Kale borroka ekintzak izan dira azken orduetan Oreretan, Lekeition eta Barakaldon. Gipuzkoako herrian, ezezagun batzuek su eman zioten hainbat edukiontziri, Tulle eta Urbasa kaleetan, errepidean gurutzatu ostean. Barne Saileko iturriek jakinarazi zutenez, ekintza ostiralean 21.00etan egin zuten, eta suhiltzaileen lana beharrezkoa izan zen. Bertan aparkatuta zeuden kotxeek ez zuten kalterik jasan.Barakaldoko ekintza gauerdi aldera izan zen. Ekintzaren ondorioz, kutxazain bat guztiz erreta geratu zen. Iturri beraren arabera, hainbat ezezagunek Andikollano kaleko La Caixako kutxazaina likido sukoi- arekin busti ondoren, hainbat molotov koktel bota zituzten. Suhiltzaileak bertaratu arren, bankua ere kaltetua izan zen. Bestalde, Lekeitioko erdigunean errepidea moztu zuten herenegun, azken egunetako gertaerak salatzeko, «Euskal He- rriak autodeterminazioa. Errepresioa ez da bidea» lelopean mobilizazioa burutu ostean. Barakaldoko eta Errenteriako ekintzak gaitzetsi zituen alderdi bakarra PP izan zen.
|
