-CFA
Aviron igoerari begira dago jarrita
AVIRON 1
NANTES B 0
BAIONA
Aviron jadanik jarri da igoerari begira. Oraindik Liga hasi besterik ez da egin, baina baionarrak lau partida jokatuta, maila honetako talderik sendoenetakoa dutela erakusten ari dira, eta garbi dago hasierako helburuak betetzetik ez dutela amaieran oso aparte izango.Batzuetan ongi jokatu beharrik ez da izaten irabazteko. Joan den astean aukera asko egin, ongi jokatu, eta berdindu egin zuten, baina herenegun joko handirik egin gabe batu zituzten lau puntuak. Gainera, lehen zatiko erditik aitzinera lagun bat gehiagorekin aritu ziren, epaileak Nantesko jokalari bat kanporatu baitzuen, eta horrek bidea asko erraztu zien jokalari lapurtarrei. Mailako beste euskal taldeak, Genetsek, 2-1 galdu zuen Orleansen. Lehen zatian galtzen hasi ziren, baina partida amaitzeko hamar minuturen faltan, Goueye senegaldarrak berdindu egin zuen, baina bost minutu geroago etxekoek bigarren gola lortu zuten. Hauek jokatu zuten talde hori-berdean: Gruel, Dors, Cochet, Van Reusel, Dubroca, Ricaud, Ipek, El Houari, Trentin (Pueyts, 45.m), Gouaye eta Heckly. Poueyts, taldeko fitxatze izarra, azkenean hasi da jokatzen.
|
