Molotov koktela jaurti dute Bilbon kutxazain baten aurka
Bilboko Santutxu auzoan Caixa Galiciak duen bulego bateko kutxazainari eraso egin zioten atzo goizaldean, molotov koktela jaurtita. Erasoak sute txiki bat eragin zuen. PPk gaitzetsi egin zuen, eta salatu zuen kale borroka ekintzak «ezkutatzeko interesa» dutela Gobernu espainolak eta Lakuakoak.
BILBO
Caixa Galiciak Bilboko Santutxu auzoko Luis Luciano Bonaparte kalean duen bulegoko kutxazainaren aurka molotov kok- tela jaurti zuten atzo goizaldean ezezagun batzuek, eta sute txiki bat eragin zuten. Bulegoa dagoen eraikineko bizilagunak arduratu ziren sua itzaltzeaz, Ertzaintzak jakinarazi zuenez.
Erasoa 00.30ean gertatu zen, eta suhiltzaileak bertaratu zirenerako sutea itzalita zegoen, iturri berek gaineratu zutenez.
PPko Bizkaiko presidente Antonio Basagoitik erasoa gaitzetsi zuen, eta salatu zuen «gaur egun bizi dugun permisibitateak, apurka apurka, kale borrokako ekintzak berpiztea»ekarri duela. Gainera, salatu zuen Gobernu espainolak eta Lakuakoak halako ekintzak «ezkutatzeko interesa» dutela.
|
