- Montauban
Biarritz berriro ere bere mailatik aparte ibili da
MONTAUBAN 19 BIARRITZ 13
BAIONA
Biarritzek orain arte erakutsitakoa berretsi zuen atzo Montaubanen zelaian. Ez dago sasoian, eta urteroko moduan Liga hasieran bere mailatik, edo ibili beharko lukeen mailatik oso aparte dabil, eta atzo hirugarren porrota jasan zuen.Biarritzek lehen minutuetan bakarrik erakutsi zuen etxekoek baino talde hobea zuela, 3-6 aitzinetik egon baitziren, baina hortik aurrera Montaubanek gogo handiagorekin jokatu zuen, eta biarriztarrak mendean izan zituzten, eta amaieran ongi merezitako garaipena eskuratu zuten. Dena dela, ongi jokatzen ez aritu arren, Biarritz sailkapenean hirugarren postuan dago, atzoko porrotaren ostean postu bat galdu baitu, eta bigarren postutik hirugarrengora pasatu baitira, baina helburuen barruan dabiltza. Lehenengo lauretan geratzea, hori da Biarritzen erronka, eta beharra ere bai, eta oraingoz hor daude. Hori bai, Stade Français besteen gainetik dagoela garbi erakutsi du, orain arte jokatu dituen partida guztiak irabazi baititu, eta beste guztien gainetik dabil, nahiz eta oraindik Liga luzea den, eta ekaina oraindik oso urruti dagoen.
|
