Idiazabalgo Txomenane etxea desalojo arriskuan
AIARA
Idiazabalgo Txomenane etxe okupatuan bizi diren gazteek atzo jaso zuten eraikina desalojatzeko agindua. Ertzaintzak jakinarazi zienez, etxea hilabete amaiera baino lehen hustu beharko dute.Txomenanen bizi diren pertsonek kaleratutako oharrean jakinarazi zutenez, eraikina orain urtebete okupatua izan zen, «beste modu batera bizi daitekeela erakutsiz». Urtebete horretan hutsik zegoen etxea konpondu, margotu eta atondu dute. Bertan baratze bat ere egina zutela jakinarazi zuten.
Mobilizazioak
Txomenanen bizi diren pertsonek eta Idiazabalgo gazte asanbladak mobilizazioetara deitu dute, desalojo agindua salatzeko. Hala, gaur arratsaldeko 17.00etan elkarretaratze zaratatsua egingo dute herriko plazan. Bihartik aurrera ere mobilizazioak egingo dituztela iragarri dute gazteek. Alde horretatik, herritarrei dei egin die adi egoteko eta antolatuko diren ekintzetan parte hartzeko.
|
