- Challenge-a
Aviron azken postura jaitsi da Bucaresten 32-27 galdu ostean
DONOSTIA
Aviron Baionakoak porrot mingarria jaso zuen atzo Bucaresten, 32 eta 27 galduta. Lehen jardunaldian Newport talde indartsuaren aurka galdu eta gero, ligaxkan gora egiteko aukera ona galdu zuten zuri-urdinek Errumanian, sailkapenaren azken postuan kokatu baitzi- ren bi punturekin. Bristol da liderra 9 punturekin Newporti 11-7 irabazita. Galestarrek 6 puntu dituzte, bigarren postuan, eta Bucares- tek 5 ditu, hirugarren.Zuri-urdinek arazo asko izan zituzten Errumaniarako bidaian. Taldeko bi jokalarik, Lindek eta Coetzeek, arazoak izan zituzten pasaporteekin herrialde horretan sartzeko, eta horrek taldearen ordutegia baldintzatu zuen. Aireportuan bi ordu igaro ostean gauzak argitzea lortu zuten. Atzo talde lapurtarrak ez zuen espero zen maila eman, batez ere defentsako lanean. Etxetik kanpo 27 puntu markagailura igoaraztea (4 entsegu) ez dago batere gaizki, baina 32 puntu jasotzea (beste 4 entsegurekin) gehiegi da garaipenak eskuratu ahal izateko.
|
