«Letren Leihotik» egitasmoa Bizkaian
GERNIKA
Bizkaiko zenbait udal (Alonsotegi, Arrigorriaga, Balmaseda, Basauri, Berango, Etxebarri, Galdakao, Gernika-Lumo eta Zeberio) eta mankomunitate bat (Enkarterrikoa) euskal literaturaren inguruko egitasmo bat sustatzeko elkartu dira.
“Letren Leihotik” izenburupean Galtzagorri Haur eta Gazte literatura sustatzeko elkartearen laguntzaz sortu eta egin ahal izan dute. Literatura, jolasa eta adin guztietako ikasle, irakasle nahiz gurasoak bateratzen ditu egitasmoak.
Abenduaren 4ra arte, Itziar Zubizarretak sortu eta zuzendutako literatur aretoa izango da Galdakaon. Gainera, Patxi Zubizarretak bihar 18.30ean Maximo Moreno Musika Eskolan “Mundua lo dagoen bitartean” ekitaldia emango du.
Horrez gain, Yolanda Arrietak hitzaldiak emango ditu azaroan.
|
