Bizi arteko kartzela zigorra ezarri diote beste preso bati
DONOSTIA
Askatasunak atzo aditzera eman zuenez, Burgosen kartzelatuta dagoen Andoni Alza euskal preso politikoari bizi arteko kartzela zigorra ezarri diote. 2001eko otsailaren 24an bete zituen zigorraren hiru laurdenak. Joan den ostegunean kaleratu behar zuten, baina 197/2006 epaia aplikatu ondoren, espetxealdia luzatu diote.
Alza 1991n atxilotu zuen Ertzaintzak eta Arkauten polizia etxetik pasatu ondoren, torturak salatu zituen. Geroztik, Carabanchel, Alcala Meco, Jaen, Valdemoro, Segovia, Caceres II, Villabona eta Burgosen egon da.
Askatasunak gogor salatu zuen erabaki hori eta PSOE nahiz EAJ egin zituen errudun. «Azken egunotan esaten eta egiten ari direna ikusita, bakea ez dutela nahi ondoriozta dezakegu». Hala, Juan Carlos Rodriguez Ibarra eta Jose Bonoren adierazpenak gogoratu zituen.
|
