-Top 14
Ongi jokatu ez duen arren, Biarritzek irabazi egin du
CASTRES 12
BIARRITZ 16
BAIONA
Biarritzek egin beharrekoa egin zuen, eta ez zuen alferrik galdu Briven zeukan aukera, eta garaipena poltsikoan hartuta etxeratu zen. Hori bai, ez zuen partida handirik egin, azkeneko neurketetako mailan ez zen ibili, baina garrantzitsuena puntuak batzea zen, eta horixe egin zuen.Biarritzek berriro ere agerian utzi zuenatzean duen maila. Zaila da zuri-gorriei entseguak egitea, eta atzo Castresek egin zituen puntu guztiak ostikoen bidez etorri ziren. Erasorakoan ere, Biarritzek ez zuen ezer asko egin, baina kontraerasora jokatuz, entsegu bat egiteko gai izan ziren lapurtarrak. Atzokoan Yachvili falta zen, baina azkenaldian behin baino gehiagotan falta izan dute, eta Dupuy ongi moldatu izan da, eta atzo ere horrelaxe izan zen, izan zituen aukera guztiak aprobetxatu baitzituen. Atzoko emaitzaren ostean, Biarritzek sailkapeneko hirugarren postuan jarraitzen du, aurretik jarritako helburuen barruan, alegia.
|
