BAIONA
Liga Federaleko Lehen Mailan ez da samurra izango bigarren itzuliaren hasiera, bertan diren hiru euskal taldeentzat neurketa zailak izango baitira.
Bosgarren multzoan, Donibane Garazi eta Maule ongi abiatu ziren, baina badirudi azkenaldian beherakada bat izan dutela. Zuberotarrek Vaurenneren zelaian jokatuko dute. Helburua azken jardunaldietako emaitza txarrei amaiera ematea eta garaipenak pilatzen hastea izango da.
Nafarroak etxean jokatuko du. Oraingoan, Baigorrin arituko da, eta Perigourdin hartuko du. Nafarroa Beherekoak zuberotarren egoera bertsuan dabiltza.
Bestela dabilena Donibane Lohizune da. Lapurtarrak seigarren multzoan daude, eta azkenaldiko emaitzei esker, hasieran uste zen lekuan jarri dira. Izan ere, gorri-berdeen helburua mailaz igotzea baita, edo horretan ahalegintzea, behintzat. Bihar Marmanden jokatuko dute, eta ez dute partida oso erraza izango. Hiru partida horiek bihar jokatuko dituzte 15.00etan.
Bigarren Mailan, Donapaleuk SaintMedard hartuko du. Mailari eutsi nahi baldin badio, garaipenak pilatzen hasi beharra dauka. Bokale, berriz, igotzeko asmoekin dabil, eta horretarako Avenir menderatu behar du. Bi partidak, bihar, 15.00etan.
