18/98 auziaren aurka Bergaran eta Bermeon
BILBO
Urtebete da 18/98 makrosumarioaren epaiketa hasi zela. Hori dela-eta, mobilizazioetara deitu dute hainbat herritan. Gauzak horrela, astebururako hainbat salaketa ekintza iragarrita daude. Besteak beste, autoinkulpazio ekimena eta manifestazioa egingo dituzte Bermeon eta Bergaran.Azken asteotan egiten ari diren autoinkulpazio kanpaina Bermeora helduko da asteburu honetan. Bizkaiko herriko 18/98+ Lan Taldeak zera salatu nahi izan du: «Epaiketa hasi zenetik urtea bete da, eta behin eta berriro akusazioen oinarri falta eta prozesuaren irregulartasunak agerian geratu diren arren, epaiketak bere horretan jarraitzen du». Horretarako «J’acusse eta nik ere bai» lelopean Bermeoko herritarrek autoinkulpatzeko deia egin diete guztiei.
Manifestazioa Bergaran Emile Zola idazle frantziarrak 1898an L’Autore egunkarian argitara emandako gutunean esandakoak hartu dituzte oinarri, eta batik bat honako esaldia nabarmendu dute: «Nire egitekoa da, ez dut konplize izan nahi». Esan bezala, ekimena larunbatean egingo dute, 13.00etan Bizkaiko kostako herriko San Migueleko eskaileretan.
Bestalde, larunbaterako ere Bergaran manifestaziora deitu dute makroprozesua salatzeko. 18/98 makroepaiketaren kontrako mobilizazio horrek 19.30ean izango du hasiera Debagoieneko herrian.
|
