- Challenge Cup
Haizeak ez zuen ekidin Bristolen erakustaldia
·Avironek hogei minutu iraun zuen partidan sartuta (17-38)
DONOSTIA
Aviron Baionakoak ezin izan zuen ezertxo ere egin Bristol talde indartsuaren kontra Jean Dauguer zelaian jokatutako partidan. Haizeak eta euriak gauzak zaildu zizkieten bi taldeei, baina minutuak pasatu ahala kanpotarren nagusitasuna argi geratu zen.Etxekoak 3-0 aurreratu arren, Bristolek buelta eman zion markagailuari 20. minutuan Craig Morganek lortutako entsegu bati esker. Hortik aurrera, To’oalak, Robinsonek, Perryk eta Morganek, bigarrenez, zuloa 3-31raino handitu zuten. Ramiro Pezek emaitza 10-31ra hurbildu zuen, baina Joe El Abden azken entseguak etxekoen ametsak azkar zapuztu zituen. Pezen jaurtiketek emaitza 17-38 biribildu zuten. Newportek eta Bucarestek gaur jokatuko dute.
|
