BAGDAD
Estatu Batuetakoeta Irakeko gobernuen agindupean dauden soldaduek «operazio batu» bat egin zuten atzo Bagdadeko erdiguneko auzo batean matxino suniten aurka, AEBetako Armadak adierazpen batean azaldu zuenez. «Irakeko Armadaketa koalizioaren indarrek operazio bati ekin diote gaur [atzo] goizean Talil plazan», esaten du adierazpenak. Plaza hori Tigris ibaiaren eskuineko ertzeko Haifa Alaoui auzo sunitan dago.
Lekukoek France Presse agentziari azaldu ziotenez, inguru horretan arma automatikoen tiro hotsak eta bonbak entzun ziren goizean goizetik.
Estatu Batuetako soldaduen laguntzarekin, Irakeko militarrek «Haifa kaleko iparraldearen kontrola berreskuratzeko eta matxinoen kontra aritzeko» operazioak egin zituzten.
Auzohorretanindar okupatzaileen aurka egiten diren erasoak antolatzen dituztela azaldu zuen Estatu Batuetako Armadakoeledun Scott Bleichwehl lotinant koronelak. «Zona berde»tik ozta-ozta bi kilometrora dago Haifa.
Miaketak etxez etxe
Horiek hala, etxe ugari miatu zuten eta ateak bota zituzten. Gainera, hiru lagun atxilotu zituzten atzo, eta beste hamaika astelehen gauean Haifa auzoan bertan. «Terrorista horietatik zazpik Siriako pasaportea zuten», nabarmendu zuen Bleichwehl-ek. Bestalde, Janan Jabero izeneko Unicefeko enplegatu bat tiroz hil zuten astelehenean, atzo NEBko erakunde horretako eledun batek Genevan jakinarazi zuenez.
Jabero, 52 urteko ingeniaria, Bagdaden barrena autoagidatzen zebilela tirokatu zuten. «Ez dakigu nork eta zergatik hil zuten», esan zuen Damien Personnaz Unicefeko eledunak.
Horrako hori Bagdaden hiltzen duten Unicefeko bigarren enplegatua da 2003ko inbasioaz geroztik. Urte horretan bertan kanadar bat hil zen NEBren egoitzaren aurka egin zuten erasoan. Orotara, 22 pertsona zendu ziren.
