GASTEIZ

Kirolaz harago, gaurkoa oso partida berezia izango da Serkan Erdogan-entzat eta Kaya Peker-entzat, lehen aldiz jokatuko baitute Baskoniako elastikoarekin jaioterrian. Pibotak, gainera, ondo baino hobeto ezagutzen ditu gaurko kantxa eta aurkaria; izan ere, Efes Pilsen-en eman baitzituen Peker-ek urterik onenak Gasteizera etorri aurretik.

Zurbaon jokatutako joaneko partidan (68-65), turkiarrek argi erakutsi zuten oso talde sendoa osatzen dutela ­Euroligan baloirik gutxien galtzen duten taldeak dira, 11,1 partidako­ eta partidak nahien arabera eramateko daukaten gaitasuna, hau da, puntu gutxiko partidetara, eta oso zail izango dute gasteiztarrek euren joko erasotzaile eta bizia egitea.

Orain arte, sei partida irabazi eta eta lau galdu dituzte, eta Olympiacos boteretsuari egurra eman zioten haren etxean (95-77), nahiz eta Climamio eta Le Mansen aurka ondoren galdu, eta ez zuten hori espero.

Partidaren atarian, Velimir Perasovic-ek argi utzi zuen Efes Pilsen-ek duen arriskua. «Gure aurkariak indar ikaragarria dauka; izan ere, Atenaseko Lauko Finalean egoteko eraiki baitute. Denboraldi hasieran, taldeak arazoak izan zituen lesioekin, ­Profit eta Jenskins­ baina denak osatu dira, eta LaRon Profit fitxatu dute. Orain, edozeini irabazteko gai dira», azaldu zuen kroaziarrak.

Kontrarioaren jokoaren inguruan, Baskoniako entrenatzaileak nabarmendu zuen: «Efes Pilsen-en kanpoko jokoa Drew Nicholas-engan oinarritzen da, eta barrukoan, Haslip da oinarria. Estatubatuarra fisikoki txapelketakoatletarik onenetakoa da, eta horrek erreboteak jasotzeko eta kontraerasoan eta blokeoen ostean puntuak sartzeko asko laguntzen du».

Koparako sarrerak