- Sokatira
640ko ligaxkako azken saioa jokatuko dute
DONOSTIA
Galdakaon jokatuko dute 640 kiloko Euskal Herriko Txapelketako lehendabiziko faseko azkeneko saioa, etzi, 11.00etan. Bertan, honako talde hauek hartuko dute parte: Abadiño A, Abadiño B, Sokarri, Auzolan, Ñapurrak, Amaiur eta Kuartango.
Bi jardunaldi jokatuak dituzte, eta azkeneko honetan erabakiko da zein diren finalean izango diren seiak. Zazpi talde ari dira lehiatzen, eta beraz, bakarra geratuko da kanpoan.
Orain arte ikusitakoaren arabera, Kuartangok dauzka kanpoan geratzeko aukera guztiak. Jokatu diren bi saioetan azkena geratu da, eta badirudi zaila izango duela azkeneko jardunaldian finalerako txartela lortzea.
Lehen postuan, lehen jardunaldian, Abadiño A izan zen, eta joan den astean Ñapurrak taldea. Etziko saioan ere ikuskizuna izango da.
|
