BAIONA

Zuri-urdinek bi maila beherago dagoen Cournan taldea hartuko dute 19.00etan Didier Deschamps zelaian, eta kanporake- ta partida bakar batera denez gero, ez lukete arazorik izan behar bederatzigarren kanporaketan izateko. Izan ere, Aviron bi maila gorago egoteaz gain, talde profesionala ere bada, eta Cournon, berriz, erabat amateurra. Beraz, alde hori ere nabaritu beharko litzateke.

Zuri-urdinak aukera eder baten atarian daude, hurrengo kanporaketan Lehen Mailako taldeak ere sartuko baitira, eta orain dela hiru urte gertatu zen bezalaxe, zaleek berriro ere Lehen Mailako talde bat ikusiko duten itxaropen osoa dute.

Horretarako, ordea, gaurko kanporaketa gainditu behar da, eta gero astelehen eguerdian egingo den zozketan zorte apur bat izatea eskatu beharko da, bederatzigarren kanporaketan ez baitira Lehen Mailako taldeak bakarrik izango. Taldearen helburua Liga baldin bada ere, Kopan ere zerbait egin nahi dute zuri-urdinek.

Jokalariei dagokienez, Pihilippe Lalane eta Balde izango dira euskaldunek jokatzeko moduan ez dituzten bakarrak, gainerako guztiak prest baitaude. Van de Weruvaenne, berriz, ez dakite jokatzen izango den. Azken orduko aldaketarik ez bada, honako hau izango da baionarren hamaikakoa: Bouet, Foconier, Estrade, Degoul, Bidegain, El Hajjam, Laporte, Louit, Lestage, Jerome Lalane eta Lancien. Aulkian Couchot, Lespiauqc, Sautie, Arhanzet eta Bouzena geratuko dira.