EHNA onartzen duten denden gida,Arrasaten
ARRASATE
Arrasaten, EHNAonartzen duten saltokien gida aurkeztu zuten atzo. Bai Euskal Herriari ekimeneko arduradunek azaldu zutenez, hainbat zerbitzutan EHNA onartzen dutela azaltzen duen kartela dute ipinita. Berez, herriko dendarien %100 agiriaren alde azaltzen direla argitu zuten, baina guztiek ez dute txartelarekin ordaintzeko sistema, eta horregatik, gida berriak aukera hori ematen dutenen zerrenda azaltzen du.
Bestalde, gidak izan duen babes zabala nabarmendu zuten. Izan ere, EAJk izan ezik, alderdi abertzale guztiek onartu dute, alde agertu baitira Aralar, Batasuna, EA eta Herri Anitza Plataforma eta ESK, ELA, LAB eta CCOO sindikatuak.
Gizarte eragileek ere babesa eman diote EHNA erabiltzea bultzatuko duen ekimenari. Elkarri, AEK, EHE, Bilgune Feminista, AGAko Gazte Asanblada,SEGI eta Santamas eta Maritxu Kajoi Komisiñuak daude, besteren artean, baita kultura eta kirol alorreko taldeak. Gida Loren Arkotxa Udalbiltzako presidenteari helarazi diote.
|
