Biandizko antena baimenik gabe ezartzen ari direla salatu dute
OIARTZUN
Aiako Bianditz mendian tximisten jarraipena eta ekaitzen bilakaera aztertzeko ezarri nahi duten antena jartzearen aurka azaldu da Ekologistak Martxan. Lanak «baimenik gabe» hasi dituztela salatu du taldeak, eta Gasteizko Gobernuaren jarrera gaitzetsi du: «Gobernua sustatzaileak izanik, ez du legez ezarritako prozedura bete».
Proiektua Ingurumen Inpaktuen Deklarazioaren zain dagoela ziurtatu eta obrak naturgune babestuan egiten ari direla gogorarazi du. Detekzio-sistemaren onurak zalantzan jartzen ez dituztela adierazi du, baina kokapena eta «erabilitako formak» gaitzesten dituztela agertu du.
|
