- N1
Aviron jaitsieratik aldentzen ari da
AVIRON 1
CROIX DE SAVOIE 0
BAIONA
Badirudi Avironen bolada txarra amaitu dela, atzo bigarren garaipena jarraian lortu baitzuen, eta jaitsierako postuak geroz eta atzerago geratzen ari dira. Ez da ahaztu behar, gainera, Avironek bi partida gutxiago jokatu dituela.Bidegain gaztea izan zen atzoko protagonista nagusia. Lehen aldiz zen hamaikakoan etxean, eta partida ederra egin zuen jokatu zuen denboran. Berak egin zuen gola, baina min hartu zuen, eta atsedenaren aurretik utzi zuen zelaia. Gainerakoan, Aviron jaun eta jabe izan zen, eta aurrelariak apur bat finago aritu izan balira, atzo garaipen askoz errazagoa lortzeko modua egingo zuten. Hala ere, puntuak etxean geratu ziren.
|
