Radio Vuelta protagonista izan dugu. Ihesaldiko txirrindularien zerrenda ematerakoan, zenbaki bat gaizki eman dute eta horren ondorioz, liderraren taldea lasai ibili da, aurrenen sailkatua zegoena hamar minutura baitzegoen. Zuzendu dutenean, hiru minutura zegoela konturatu dira eta Euskaltelek lan gogorra egin behar izan du.

Bestetik, Urduña inguruan nahiko errepide kaskarretik ibili gara, baita oso argi gutxi zuen tunel batetik pasatu ere.

Tropela ez zegoen oso pozik, eta ez dakit zergatik, baina kanpotar gehienak nigana etorri dira galdezka. Antolakuntzaren alde jokatzea egokitu zait, horrelakorik edonon gerta baitaiteke. -