Atzokoa bezalako egunetan edozein txirrindularik irabaz dezakeela ematen du. «Ihesaldia iritsi da», esaten da, horrek duen balioaz jabetu gabe.

Baina horretarako, irteera puntutik eroso joateari uko egin behar eta belarriak tente eduki behar dira. Etapak bost ordu inguru dituela ahaztu eta behin eta berriro erasoetara irten. Bat, bi eta behar diren esprintak jo ihesaldia antolatu arte.

Gero ere errelebuetan gogor aritu behar, haizea behin eta berriz irentsiz, diferentzia handitzeko.

Eta bukaeran, nekea gailentzen denean, hortzak estutu, tropelaren mehatxua saihestu eta, noski, azken marra lehena pasatu.

Ba horrelakotan espezialistak ere badira. Voigt eta Voeckler, esaterako. -