- CFA
Genetsek ezin du barkatu Bloisen zelaian
BAIONA
Genets jaitsierako postuetan sartu zen joan den larunbatean etxean galduta, eta gaur berriro ere aurkari zuzen baten kontra jokatuko du. Bloisen zelaian arituko baita 19.00etan.
Lapurtarrak baino postu bat atzerago daude Bloiseko jokalariak, eta horti-berdeek bi puntu kentzen dizkiete. Gaur irabazten badute, zulotik irteteko modua egingo dute, nahiz eta beste emaitza batzuen zain egon beharko duten. Galtzen badute, postu bat behera egingo dute, eta mailari eustea gero eta zailagoa izango dute.
Genets benetan denboraldi arraroa egiten ari da. Goian dabiltzan talde asko mendean hartu ditu, baina gero parekoekin, behean daudenekin, ez du irabazten. Horrek guztiak taldea jaitsierako postuetan sartu du, eta gaur puntuak batzen ez baditu, jaitsieran izango du hanka bat.
|
