Ezinduentzako zerbitzu berri bat aurkeztu dute
BILBO
Bizkaian ezinduentzako lan aukerak sortzen jarduten duen irabazi asmorik gabeko fundazio pribatuak, Lantegi Batuak-ek, BBKren laguntzarekin batera, Laguntek izeneko zerbitzu berria martxan jarri du. Honen bidez, mugikortasuna murriztuta daukaten pertsonentzako altzari egokituak, laguntza teknikoak eta errehabilitaziorako produktuak alokatu daitezke.
Laguntek-ek zerbitzu osotua eskaintzen du, hala nola, aholkularitza, garraioa edo ekipamenduen instalazioa eta egokitzapena. Zerbitzu berri honen bidez, mugikortasun murriztua duten lagunen bizi kalitatea hobetu nahi dela adierazi zuten eta horretarako, «laguntza eskaintzen zaie eguneroko lanetan egin behar dituzten esfortzuak txikiagoak izan daitezen». Eskaintzen dituen altzari eta produktu egokituen artean, ohe artikulatuak edo personak leku batetik bestera mugitzeko garabiak aipatu daitezke.
|
