IAk Poliziaren presentzia salatu du NUPeko azterketetan
IRUÑEA
Ikasle Abertzaleek deituta, 50 bat lagun batu ziren atzo, Nafarroako Unibertsitate Publikoan, «Euskal curriculumaren bidean... selektibitate eta baxoari Ez!» lelopean. «Euskal Curriculumaren bidean gauden memento honetan, salatu behar da azterketa sistema arrotz hauek ez ditugula nahi, eta are gutxiago Euskal Herriko kultura eta hizkuntza horren gutxi errespetatzen dituztenak», salatu zuten.IAk, era berean, unibertsitatean izan zen polizia presentzia salatu zuen. «Espainiar Poliziaren presentzia nabaria izan da, uniformatutako 15 kide unibertsitatearen kanpoaldean eta kalez jantzitako 30 bat polizia campus barruan», kritikatu zuen. Alde horretatik, Pedro Burillo errektorearen jarrera salatu zuen IAk. «Horrelakoak ez ditugu nahi gure campuseko arduradun», adierazi zuen.
|
