Eugik, min hartuta, ez du sanferminetakoan jokatuko
DONOSTIA
Patxi Eugik ez du San Fermin Torneoko final-laurdenak jokatzerik izango, joan den igandean binaka jokatutako neurketan min hartu ostean. Agoizko aurrelaria ondo ari zen Aspek antolatutako jaialdi ezberdinetan eta ilusioz ekin behar zion sanferminetakoari, baina azkenean ezingo du Galartza V.aren aurka jokatu.
Aspeko pilotariak eskuin eskuko hirugarren atzaparra hautsi zuen igandean Pascualekin batera Xalaren eta Go�i III.aren aurka neurtzen ari zela.
Agoiztarrak hiru edo lau astez egon beharko du pilotalekuetatik urrun, eta beraz, Aspek final-laurdena bertan behera utzi du. Hala, Galartza V.a Irujoren aurka lehiatuko da finalerdietan.
|
