Erromoko jaiak, berdintasunaren alde
GETXO
Erromoko jaiak hastear daude, eta, aurten ere, Bilgune Feministakoek berdintasunean oinarritutako jaiak lortzeko deia egin dute. Emakumearenganako errespetuari festetan ere eusteko helburuaz, emakumearen parte hartzea eragozten duten ekimenak salatzeko aukera aprobetxatu dute.
«Izan ere, ezin da berdintasunik gabeko jaiak herrikoiak direnik esan. Emakumea kontuan hartzen ez duten jaiei, horien parte hartzea eragoziten dutenei edota harenganako indarkeria salatzen ez dutenei ezin zaie jai herrikoiak deitu, erabat sexistak baitira». Horren aurrean, Bilgune Feministak berdintasunerako deia egin du: «Jaiak parekideak izan behar dira, eta, behingoz, emakumeak baztertu edota kontuan hartzen ez dituztenak desagertzeko bidea egin behar dugu».
Era berean, borroka horretan bakarrik ez daudela azaldu dute, besteren artean, Portu Zaharreko Jai Batzordearekin eta Itzulbaltzeta-Erromoko Txosna eta Jai Batzordearekin bat egin baitute.
Halaber, berdintasunerako bidean lehen urratsak eman ditu. Aurten hartutako neurrien artean, «kutsu sexista desagerrarazteko protokoloak» jarri dituzte martxan, eta Udalari gune beltza argiztatzeko eskatu dio.
Era berean, gogora ekarri du abuztuaren 12an “Erasoen kontrako eguna” dela Portu Zaharreko jaietan.
|
