- Top 14
Baja ugarirekin jokatuko du Avironek Castresen
DONOSTIA
Lehenengo garaipena lortu ostean, Avironek Castresen jokatuko du gaur bigarren garaipena lortzeko asmotan. Gauzak dezente baretu dira Lapurdiko hiriburuan, premiazkoa baitzen estreinako norgehiagoka irabaztea (18.30).
Gaurko partidarako, ordea, hutsune asko izango dituzte, jokalari asko baitaude min hartuta. Coetzee, Gratchev, Bernard, Fromont, Aussel eta Nuñez Piosek ez dira gaurko partidarako prest egongo. Horiek ordezkatzeko, Bergez, Garcia, Ngog eta Berberian sartu ditu deialdian entrenatzaile zuri-urdinak, baita gazte mailako Marmauyet gaztea ere.
Bestetik, Avironek Rob Linde hegoafrikarra fitxatu du, eta atzo pasatu zituen azterketa fisikoak. Castresei dagokionean, Snaaymanek lehen aldiz jokatuko du Castresekin. Orain dela aste gutxi fitxatu dute, eta gaur bere lehenengo norgehiagoka jokatuko du.
|
