- Liga Federala
Euskal taldeek orain arte egindakoari eutsi behar diote
BAIONA
Astebeteko atsedenaren ostean, berriro ere abian izango da Liga Federala, eta bertan ari diren hiru euskal taldeek izango dituzte norgehiagokak.Bosgarren multzoan, Maulek Blagnac hartuko du. Ez da partida erraza izango zuberotarrentzat, baina etxeko norgehiagoketan sendo agertu dira, eta horrela jarraitu nahiko dute. Multzo berean, Nafarroak, Vaurenneren zelaian jokatuko du. Nafarroa Behereko taldeak denboraldi hasiera bikaina egin du, eta bide beretik jarraitu nahi du kanpoan puntuak eskuratuta. Seigarren multzoan, Donibane Lohizunek Lurda hartuko du. Ez da partida erraza euskaldunentzat, baina azkeneko jardunaldian kanpoan lortutako garaipenak indarra eman behar die. Hiru partida horiek bihar jokatuko dituzte 15.00etan. Bigarren Mailan, Donapaleuk Casteljou hartuko du, Nafarroa Beherekoek badute zerbaiten premia, orain arte partida bat besterik ez baitute irabazi. Bokale bestelako egoeran dago, baina asmoak ere horrelakoak dira. Lapurtarrek Langon hartuko dute. Ohorezko B Mailan, Gernikak gaur Alcobendasen jokatuko du (17.00). Bihar, 12.30ean, Durangok Oviedo hartuko du, eta ordu erdi bat lehenago, Hernanik Vigon jokatuko du.
|
