DONOSTIA. ­ 1991-1992 ikasturtean sortu zuen Ikastolen Elkarteak jokoen katalogoa, herri tradizioan oinarritutako baliabide didaktikoak eta ohiko joko didaktikoak euskaraz garatzeko, baita hezkuntza eta curriculum proiektuei ekarpena egiteko ere. Olentzerori buruzko jokoak plazaratu zituztenetik lanean dihardute, eta 150 produktu argitaratu dituzte. Joko didaktikoek hezkuntzan duten garrantziaz mintzatu dira, eta bi eremutan eragiten dutela jakinarazi dute: «Adin bakoitzari dagozkion gaitasunak garatzen laguntzen dute ­hautematea, oroimena, logika, eta abar­, baita baloreak transmititzen ere. Eskola-euskara eta aisia-erdara erlazioa apurtzeko baliagarri izan daitezke».