-Asteburua
Bi euskal taldeak norabide ezberdinetan
BAIONA
Asteburu hau hasi aurretik euskal taldeek garaipen batekin eta porrot batekin amaituko zutela esan izan balute, denek onartuko zuten, hori baitzen normalena. Baina ustekabeko irabazlea eta ustekabeko galtzailea izan dira.
Biarritzek eta Avironek kontrako norabideak daramatzate. Biarriztarrak bolada txar batean sartu dira orain, ona pasatu ostean, eta Aviron da orain bolada onean dena, nahiz eta izan zuen hasiera negargarriaren ordaina jasotzen ari den.
Jardunaldia hasi aurretik inor gutxik uste zuten Biarritzek Bourgoinen galduko zuenik, baina punturik gabe eta itxura txarra emanez itzuli ziren. Gehienek ia ezinezkotzat jotzen zuten Avironek Stade menderatzea, baina baionarrek neurketa ederra eginez garaipena eskuratu ahal izan zuten. Ondorioz, orain salbaziotik gertu daude. Jean Dauguerren atzo hasi zen festak gaur jarraipena izatea espero dugu orain.
|
