Landetako eta Pirineo Atlantikoko departamenduetako prefetek Yara izeneko gunean ekoitzitako amonio nitratoaren garraioa Baionako portutik abiatzeko baimena eman dutela jakinarazi dute berriki. Horretarako, aste hasieran bideratzea onartzen duten dekretuak ezarri dituzte. Erabakiak lekuko auzapezen haserre eta kezka piztu du, eta portu inguruan kokatuak diren, Baiona, Bokale, Tarnose eta Angelu herriek elkarturik dekretuen aurka jotzeko erabakia hartu dutela azaldu zuten atzo.