- Aizkolari gazteak
Larretxea eta Gorritik lortu dute sailkatzea
LEGORRETA
Ohian Larretxeak eta Gorriti II.ak lortu dute asteburu honetan gazteen Urrezko Aizkoran aurrera egiteko txartela. Berakoak Ka�amares II.a utzi du bazterrean, eta Uharte Arakilgoak Rodriguez, nahiz eta horrek beste aukera bat ere izango duen.Ohian Larretxeak, Donatoren semeak, lan asko egin behar izan zuen Ka�amares menderatzeko, kolpekako saioan galdu egin baitzuen. Baina gero hobea izan zen. 10.54 izan zen haren azkeneko denbora, eta 11.44 Ka�amares gaztearena. Atzo, Legorretan, Rodriguez segoviarra nagusi izan zen lehen bi lanetan, baina saio luzean abantaila guztia galdu zuen, 17 urteko gazte honek kilo batzuk soberan baititu. 15.49 izan zen haren azkeneko denbora, baina Gorritirena 13.24 izan zen, eta azkenean garaipena Uharte Arakilera joan zen.
|
