GASTEIZ

Radio Euskadik egin zion elkarrizketa batean, bi alderdien artean dagoen harremana aldatzeko aukerari buruz galdetu zioten, eta erantzun hori eman zuen Ziarretak. Haren ustez, ona litzateke horrela segitzea etorkizunean, «herritarrek irabaz dezaten».

Agertoki politiko berriak dena alda dezakeela aipatu zuen Ziarretak:«Bestelako egoera batean gaude, eta normalizazio politikoan aurrera egin behar dugu». Hori gertatuko balitz, oraingo banaketa guztiz aldatuko litzatekeela zehaztu zuen. «Irizpide ezberdinak ezarriko lirateke: abertzale eta nazionalista espainiarren arteko blokeen ordez, atzerakoi-aurrerakoien artekoa eta eskuindar-ezkertiarren artekoa nagusituko ziren. Eta hor erosoago izango da EA», adierazi zuen.

Horiek hala, EAJk Gasteizen izan ohi duen agintea galtzea ere gerta daitekeela adierazi zuen Unai Ziarretak. Hori «normaltasun demokratikoaren adibidea» izango litzatekeela eta «gizarteak hala nahi badu, egun batean gertatu beharko dela» erantsi zuen.