Presoak herriratzearen aldeko kanpaina Arrasaten
ARRASATE
Euskal preso politikoen eskubideen alde lanean ari den Arrasateko Portaloira Topaguneak herritarren inplikazio zuzena lortu nahi du presoek bizi duten egoeraren salaketan eta Euskal Herriratzearen aldeko aldarrikapenean. Eta bide horretan, «Euskal presoak Euskal Herrira» esaten duten ikurren kanpaina abiatu du.Herriko hainbat aurpegi ezagunen sostenguarekin, «Asteburuan nik ere jarriko dut» lelopean prentsaurrekoa eman zuen atzo, eta kanpainaren nondik norakoak azaldu zituen. Besteren artean, datorren ostiral eta larunbatean Arrasateko hainbat tokitan ikur horiek salgai jarriko dituztela jakinarazi zuten Topaguneko ordezkariek. «Jendeak erosi eta jar dezan nahi dugu. Helburua da maindirea herriko ahalik eta balkoi gehienetan ikustea». Asteburuaren ondotik, ekimenaren balorazioa egingo dute eta hurrengo pausoak zein izango diren aztertuko. Bestalde, presoen eskubideen defentsan 11 lagun elkarretaratu ziren Euban astelehenean.
|
