GETXO

Etxaburuk gogor salatu zuen epaiketa hori, eta PSOEko Gobernuaren «estrategia errepresiboarekin» lotu zuen. «PSOEk iraganeko eskema politikoen baitan bere burua bildu egiten du, PPk antolatutako eskema politiko errepresibo berberean lerrokatzen da, eta prozesua oztopatzeko ahalegin ezberdinak egiten ditu, besteren artean atxiloketak, inkomunikazioa, torturen salaketak, sakabanaketa edota Guardia Zibilak Euskal Herriko errepideetan jarritako kontrolak», nabarmendu zuen mahaikideak.

Horren aurrean, «iraganeko bide errepresiboak» desaktibatzeko eta Euskal Herriak bizi duen egoera berrietara moldatzeko exijitu zion Zapateroren Exekutiboari, gatazka konpontzeko prozesu demokratikoan «urratsak egin ahal izateko».

«Ahalegin guztiak»

Izan ere, mementu politiko honetan irtenbiderako prozesu bati heltzeko baldintza objektiboak badaudela adierazi zuen, baina, bide horretan, aurrerapausoak emateko «halabeharrez baldintza demokratikoak» egon behar direla ohartarazi zuen Etxaburuk. «Prozesu horretan ezker abertzalea ahalegin guztiak egiten ari da, eta beste eragile politikoen jarre-ra, berriz, kontrakoa da», salatu zuen ordezkari abertzaleak.

Epaiketan eskaerari eutsi egin zioten. Hala eta guztiz ere, ekintza baketsua eta isila izan zela berretsi zuten bai defentsaren bai eta akusazioaren lekukoek ere. «Ez zen inolako liskarrik sortu», aditzera eman zuten.