- N1
Avironek mailari eusteko azkeneko aukera izango du
BAIONA
Ez dago beste aukerarik, N1 Mailako azkeneko jardunaldia jokatuko da gaur, eta Avironek maila honetan jarraitzeko azkeneko aukera izango du.Zuri-urdinek Cherbourgen zelaian jokatuko dute, eta irabazi egin behar dute 20.00etatik aurrera jokatuko den partida. Hori egiten badute, ez daukate beste inora begira egon beharrik, mailari eutsi egingo baitie. Berdinketa lortuta ere mailari eusteko aukera badute, baina beste emaitzen zain egon beharko dute. Galtzen badute, heldu den urtean CFAn jokatu beharko dute, izan ere atzetik dituen bi talde elkarren aurka arituko baitira. Hau izan daiteke hamaikakoa: Ruffier, Padeilhan, Talmont, Sergent,Laporte, Choplain, Chakir, Louit, Vareilles eta Ech Chergui. Avironen jarraitzaileak ere izango dira Cherbourgen.
|
