BILBO
Errekaldeko jaietako egitarauak ohiko eskemei jarraitzen die; gustu guztietarako ekitaldiak antolatzeari dagokionez, behintzat. Hala ere, Bilbo handiko auzo horretako jaiak ezagutzeko aukera izan duenak jaiegun hauek xarma berezia dutela ezin izango du ukatu. Izan ere, urte mordoa da jaiak auzotarrek berek antolatzen dituztela, eta horrek isla izaten du auzoko kaleetan. Jai batzordeko ordezkariek azaldu zutenez, 30 urte baino gehiagoko esperientzia dute jaiak auzoan antolatzen. Gaur egun, hamaika taldek osatzen dute egitaraua egiteaz arduratzen den taldea, eta horien artean, kirol taldeak, dantza taldea, euskararen aldekoak edota Kukutza gaztetxea daude. Jaiak antolatzen dituenak edota auzoaren alde lan egiten duenak txosna ipintzeko aukera du, auzoan adostutako araudia betez gero. Aurten pergolaren inguruan 12 txosna zabalduko dituzte, eta horietako bat jai batzordearena izango da.
Antolatzen dihardutenek batzordearen izaera zabala nabarmentzen dute, eta, era berean, argi azaldu dituzte datozen egunetako ekitaldien egitarauarekin bete nahi dituzten erronkak. Auzoko lagunen artean betidanik egon den parte-hartzea mantendu eta areagotzeaz gain, auzoko eta Bilbo osoko ahalik eta jende gehiena joatea gustatuko litzaiekeela adierazi zuten antolatzaileek.
Bestalde, aurtengo jaien erronken artean nagusi bi nabarmendu zituzten: «Benetan herri jaiak eta parte-hartzea bultzatzen dutenak izateaz gain, diskriminaziorik gabekoak, sexuen arteko parekotasuna bermatzen dutenak eta euskararen erabilera bultzatuko dutenak izatea espero dugu».
Egitarauari dagokionez, musika eskaintza nabarmendu dute antolatzaileek, eta bereziki 20 urteko ibilbidea duen eta New Yorketik etorriko den Ska Jazz Ensambled taldearen agerraldia nabarmendu dute, besteren artean.
Bestalde, badaude aldatu ez diren gauzak; Udalak ezarri eragozpenak, esaterako. Adibide modura, Udalak ematen dituen 1.000 euro eta jaiek behar duten inbertsioa: 36.000 euro.
Egitaraua
Barikua 23
20.00etan:Auzoko koadrila eta kon- partsen
jaitsiera.Hurren- go kaleetan zehar izango da: Larraskitu26, Ciuda- dela, Goya,
Villabaso, Leon Uruñuela, Gordo niz. Kalejira joaldunek eta Ardo Barrure fan-
farreak lagunduta egon- go da.
21.15ean:Jaietako pregoia Fernan- do Ortegaren omenez.
21.30ean:Txupinazoaren jaurtiketa.
21.40an:Errekatartalok jaietan izan- go diren 12 txosnak zabal- tzeari ekingo dio.
21.50ean:Errekatartalorekin argazkia egiteko hitzordua. Txoriak elkartearen txosnan
22.30ean:Dantzaldia plazan. Taru- ma, Bilboko Udal Euskara eta Kultura Saila musika kalean 7. Barrutia.
24.00etan:Binilozko gaua. DJ Tutti izango da, Kukutza gaz- tetxean.
