Unai ARTETXE
DONOSTIA
Nahi baino denbora gehiago itxaron behar izan du, baina azkenean iritsi zaio Isuntzari garaipen batez gozatzeko unea. Lekittarra ontziak atzo lortu zuen Camargon denboraldiko aurreneko garaipena, eta Kantauriko Arraun Elkarteko (KAE) lehen multzoko sailkapen nagusiko bigarren postura egin du jauzia.
Ohorezko txandan aritu ziren bizkaitarrak, San Pedrorekin, Trintxerperekin eta Getariarekin batera. Lekittarra eta Libia nor baino nor aritu ziren estropada guztian zehar, eta gipuzkoarrak aurretik ziren arren, bien arteko aldeak oso txikiak izan ziren. Lekeitiokoek azkenengo txanpan hartu zuten aurrea, eta azkenean helmugako baliza segundo biko aldearekin pasatu zuten. Trintxerpe, 20 segundora, eta Getaria, minutu erdira, ondoren helmugaratu ziren.
Estropadako hirugarren denborarik onena bigarren txandan aritutako Ondarroak egin zuen. Antiguako Amak gogotsu ekin zion lanari, eta lehen maniobra burutu ostean txanda goitik behera agindu zuen. Donostia Arraun izan zen bigarren, 11 segundora, Hondarribiaren eta Itsasoko Amaren aurretik.
Lehen txandakoen artean Pontejos izan zen onena, Camargoren, Zierbenaren eta Santanderren aurretik.
Camargoko sailkapena
1. Super BM Isuntza Grafilur 19:21.54
2. Sanpedrotarra 2.33ra
3. Ondarroa 9.23ra
> 4. Pontejos Repsol 20.48ra
5. Donostia Arraun Lagunak 21.20ra
> 6. Hondarribia Pasquier 21.82ra
7. Trintxerpe 23.84ra
> 8. Camargo 29.48ra
9. Getaria Indaux 32.91ra
> 10. Zierbena Bahias de Bizkaia 34.64ra
11. Itsasoko Ama 36.42ra
> 12. Ciudad de Santander 36.48ra
Lehen multzoko sailkapen nagusia
1. Sanpedrotarra 41 puntu
2. Super BM Isuntza Grafilur 35
3. Getaria Indaux 34
> 4. Ondarroa 30
5. Donostia Arraun Lagunak 30
> 6. Trintxerpe 28
7. Hondarribia Pasquier 25
> 8. Itsasoko Ama 23
9. Pontejos Repsol 18
> 10. Zierbena Bahias de Bizkaia 18
11. Camargo 17
> 12. Ciudad de Santander 13
